JUMIKITA ni kifupisho cha Jumuiya ya Wanahabari wa Mitandao ya Kijamii Tanzania. Ni shirika lisilo la kiserikali linalofanya kazi nchini Tanzania. Jumuiya hili linafanya kazi kwa kushirikiana na wadau mbalimbali, ikiwa ni pamoja na serikali, mashirika ya kiraia, vyombo vya habari, na sekta binafsi. Lengo kuu la JUMIKITA ni kuwajengea uwezo watumiaji wa mitandao ya kijamii kupata taarifa kwa wakati sahihi na habari sahihi kwa kuondoa upotoshaji.
Kwa kawaida, JUMIKITA hufanya shughuli mbalimbali ikiwa ni pamoja na mikutano, warsha, semina, na mafunzo ili kuhamasisha uelewa na elimu kuhusu tasnia ya habari na mabadiliko chana ya kidigiti. Pia, kujishughulisha na habari za kimkakati maalumu kwajili ya jamii na Taifa kiujumla.
Jumuiya ya Wanahabari wa Mitandao ya Kijamii Tanzania (JUMIKITA) na athari zake katika tasnia ya habari. JUMIKITA inawakilisha nguvu ya umoja na mshikamano wa wanahabari wa mitandao ya kijamii nchini Tanzania.
JUMIKITA inajitahidi kuleta maendeleo kwa wanachama wake kwa njia kadhaa. Kwanza, jumuiya hii inawapa wanachama fursa ya kujiongezea kipato na kujikua kiuchumi. Kupitia ushirikiano na kampuni au mashirika, wanahabari wa mitandao ya kijamii wanaweza kupata nafasi za matangazo au udhamini, na hivyo kuimarisha uwezo wao wa kifedha.
Pili, JUMIKITA inaweka mkazo kwenye elimu na mafunzo kwa wanachama wake. Semina, warsha, na mafunzo maalum hutoa fursa ya kuendeleza ujuzi na maarifa katika uandishi wa habari na uchanganuzi wa mitandao ya kijamii. Hii inawasaidia wanahabari kuwa wataalamu wenye uwezo mkubwa katika tasnia hiyo.
JUMIKITA pia inahakikisha kuwa wanachama wake wanatambuliwa na mamlaka husika. Kwa kujenga uhusiano mzuri na wadau wengine katika tasnia ya habari, jumuiya hii inasaidia kuwapa sauti wanahabari wa mitandao ya kijamii na kuhakikisha kuwa wanatambuliwa kama sehemu muhimu ya jamii ya wanahabari nchini Tanzania.
Kwa kuwa jumuiya hii inaunganisha wanahabari wa mitandao ya kijamii, inatoa njia rahisi na haraka ya kupata taarifa. Wanachama wanaweza kubadilishana habari na kufuatilia matukio muhimu ya kijamii na kisiasa kwa urahisi, huku wakiongeza ufahamu wao juu ya mabadiliko yanayotokea nchini Tanzania.
JUMIKITA inaleta uhai katika tasnia ya habari ya Tanzania na inasaidia wanahabari wa mitandao ya kijamii kuwa wabunifu, wajasiriamali, na waliojizatiti. Kupitia ushirikiano, elimu, na kutambuliwa, JUMIKITA inaendeleza maendeleo ya wanachama wake na kuimarisha umuhimu wa wanahabari wa mitandao ya kijamii katika jamii.
